აჭარის უმაღლეს საბჭოში განვითარებული დაპირისპირების გამო უმაღლესი საბჭო შესაძლოა ქმედუუნარო გახდეს და დღის წესრიგში რიგგარეშე არჩევნების ჩატარების აუცილებლობა დადგეს.

სადავო რჩება დაიკავა თუ არა ვიცესპიკერის ვაკანტური პოსტი ჯემალ ფუტკარაძემ,

არჩევნები საბჭოში ხმაურისა და დაპირისპირების ფონზე მიმდინარეობდა. განმეორებითი კენჭისყრისას ჯემალ ფუტკარაძემ დამსწრე დეპუტატთა უმრავლესობის ხმები მოიპოვა. თუმცა უმაღლესი საბჭოს თავმჯდომარემ ჩატარებული პროცედურები არაკონსტიტუციურად ცნო და სხდომა მოულოდნელად დახურა, დარბაზში მსხდომმა დეპუტატებმა კი სხდომა თავმჯდომარის გარეშე განაახლეს და ჯემალ ფუტკარაძე არჩეულ ვიცესპიკერად გამოაცხადეს.

უმაღლესი საბჭოს თავმჯდომარე ავთანდილ ბერიძეს, რომელიც შედეგებს არ აღიარებს, "ნაციონალური მოძრაობისა" და "ქართული ოცნების" ყოფილი წევრები იმპიჩმენტით ემუქრებიან.

ვიცესპიკერად ფუტკარაძის არჩევას საბჭოს იურიდილი დეპარტამენტის ხელმძღვანელიც აპროტესტებს. გელა ღოღობერიძის განცხადებით, პროცედურა მოქმედი კანონმდებლობის სრული დარღვევით ჩატარდა.

მან დეპუტატები და მედიასაშუალებები დეზინფორმაციის გავრცელებაში დაადანაშაულა. როგორც ღოღობერიძე ამბობს, ჯემალ ფუტკარაძეს არ შეიძლება ეწოდოს არჩეული ვიცესპიკერი.

_{ნინო ზედგენიძე}