დე ფაქტო სამხრეთ ოსეთის საგარეო საქმეთა მინისტრს, ოკუპირებული ცხინვალის ე.წ. პარლამენტმა უნდობლობა გამოუცხადა.

უნდობლობის მიზეზი დავით სანაკოევის ის პოზიცია გახდა, რომელიც დე ფაქტო საგარეო უწყების ხელმძღვანელს რუსეთსა და სამხრეთ ოსეთს შორის დაგეგმილი მოკავშირეობისა და ინტეგრაციის შესახებ შეთანხმებასთან დაკავშირებით ქონდა.

ე.წ. საგარეო საქმეთა მინისტრი დოკუმენტის გარკვეულ პუნქტებს არ ეთანხმებოდა. მისი შეფასებით შეთანხმება სამხრეთ ოსეთის დამოუკიდებლობასა და სუვერენიტეტს ხელყოფს.

საოკუპაციო რეჟიმის პარლამენტის სპიკერის განცხადებით, სანაკოევის პოზიცია მოქმედი ხელისუფლების დისკრედიტაციას ახდენს და საზოგადოებაში განხეთქილებას იწვევს.

დავიდ სანაკოევის შემცვლელის ვინაობა ოკუპირებულ ცხინვალის რეგიონში ჯერჯერობით არ დაუსახელებიათ.

_{ნინო ზედგენიძე}