,,იპოთეკარების აქციის მონაწილეთა უმეტესობა ,,ნაცმოძრაობის“ წევრები არიან“

,,იპოთეკარების აქციის მონაწილეთა უმეტესობა ,,ნაცმოძრაობის“ წევრები არიან“ - მერიის განცხადება

პოლიტიკა - 16:59, 13 Mar, 2015

2118

თბილისის მერია იპოთეკარებისა და ე.წ. ატსტუპნიკების მიერ მუნიცპალიტეტთან გამართულ აქციას ეხმაურება. როგორც მერიის განცხადებაშია აღნიშნულია, „ადგილობრივი თვითმმართველობის კოდექსით“ მუნიციპალიტეტს ამგვარი პრობლემის მოგვარების ბერკეტი არ გააჩნია. მერია დაზარალებულ მოსახლეობას მოუწოდებს, ნუ იქცევიან პოლიტიკური მანიპულირების იარაღად.

,,დღეს თბილისის მერიასთან იპოთეკარებისა და ე.წ. ატსტუპნიკების სახელით აქცია გაიმართა, რომელზეც აქციის მონაწილეები თბილისის მერიისგან დაზარალებულთა პრობლემების მოგვარებას ითხოვდნენ.

აქციის მონაწილეთა უმეტესობას ერთიანი ნაციონალური მოძრაობის წევრები და მხარდამჭერები წარმოადგენდნენ. გამომდინარე აქედან, თბილისის მერია მიიჩნევს, რომ აღნიშნული აქცია, ისევე, როგორც გასულ დღეებში სხვადასხვა მუნიციპალურ შენობებთან გამართული აქციები, პოლიტიკურად მართულია და მიზნად უწყების დეზორგანიზებას ისახავს.

რაც შეეხება ზოგადად იპოთეკით დაზარალებულთა საკითხს, „ადგილობრივი თვითმმართველობის კოდექსით“ მუნიციპალიტეტს ამგვარი პრობლემის მოგვარების ბერკეტი არ გააჩნია. თბილისის მერიის წარმომადგენლებმა რამდენჯერმე გამართეს იპოთეკით დაზარალებული მოსახლეობის ნაწილთან შეხვედრა და მათ აღნიშნულის შესახებ განემარტათ.

თბილისის მერია მოუწოდებს დღევანდელი აქციის მონაწილეებს, ნუ იქცევიან პოლიტიკური მანიპულაციის იარაღად და იმოქმედონ კანონის შესაბამისად“ - ნათქვამია მერიის განცხადებაში.