"ელისაშვილი არის „ნაცების“ დაკვეთის შემსრულებელი, მოუწევს მომავალში სასამართლოში პასუხის გაცემა"

პოლიტიკა - 14:17, 13 Mar, 2015

7228

თბილისის საკრებულოს დამოუკიდებელი დეპუტატი ალეკო ელისაშვილი და თბილისის განვითარების ფონდის ხელმძღვანელი თემურ ხომერიკი საკრებულოს შენობასთან ერთმანეთს სიტყვიერად რამდენიმე დღის წინ დაუპირისპირდნენ, ალეკო ელისაშვილმა ხომერიკი უმოქმედობაში დაადანაშაულა, ხომერიკმა კი ელისაშვილს მენეჯმენტის ცოდნა დაუწუნა.

ალეკო ელისაშვილსა და თემურ ხომერიკს შორის დაპირისპირება ბეჭდურ მედიაში გაგრძელდა. ხომერიკი გაზეთ „ალიასთან“ ინტერვიუში ელისაშვილს პროვოკატორად მოიხსენიებს და აცხადებს, რომ ის საკრებულოში ნაციონალების მხარდაჭერით მოხვდა:

„გავიხსენოთ, როგორ მოხვდა ეს კაცი საკრებულოში. არჩევნები მოუგო ძირძველ თბილისელს, გივი ჭიჭინაძეს, როგორ მოუგებდა, „ნაც-აქტივი“ რომ არ დახმარებოდა? რომ არ ქონოდა „ნაციონალებიდან“ მისი კონკურენტთან, ჯარჯი დოლიძესთან ახლო ურთიერთობა?ელისაშვილს საკრებულოში სარევიზიო კომისიის თავმჯდომარეობა უნ, ეს „ნაცებსაც“ უნდოდათ, რადგან ნეიტრალური სახე სჭირდებოდათ. არ მინდა , ამ გაუნათლებელ ადამიანზე ვილაპარაკო, მაგრამ მის უკან დგანან განათლებული ადამიანები. ეს კაცი არის „ნაცების“ დაკვეთის უნიჭოდ შემსრულებელი.

„ნაცებმა „ცილისწამების მუხლი ამოიღეს და ცილისწამება დასჯადი აღარ არის , თორემ სიამოვნებით წავიდოდი სასამართლოში. იმედია , ამ მუხლს აღადგენენ, ელისაშვილს ეტყობა , რომ არ მოისვენებს და მოუწევს მომავალში სასამართლოში პასუხის გაცემა“- აცხადებს ხომერიკი.