„ნაციონალური მოძრაობის“ წევრი ნუგზარ წიკლაური რიგგარეშე სხდომაზე არ მოსვლასთან დაკავშირებით პარლამენტის თავმჯდომარის გადაწყვეტილებას არასწორს უწოდებს.

მისი თქმით, უსუფაშვილი არ ზრუნავს საქართველოს პარლამენტის გაძლიერებაზე.

"ეს სხდომა პრეზიდენტმა მოიწვია და ქვეყანაში ყველაზე მნიშვნელოვან საკითხს ეხება. უმრავლესობა თავის პირდაპირ ფუნქციას არ ასრულებს. გასაოცარია პარლამენტის თავმჯდომარის პოზიცია, რომელიც იმის მაგივრად, რომ ქვეყანაში პარლამენტის გაძლიერებას ცდილობდეს, სხდომის ბოიკოტით არის დაკავებული, ამ თვალსაზრისით უსუფაშვილი უნიკალური მოვლენაა," - განაცხადა ნუგზარ წიკლაურმა.

ნინი კაციტაძე