პრეზიდენტის ადმინისტრაციის ყოფილი უფროსის ანდრო ბარნოვის ინფორმაციით, თავდაცვის სამინისტროში საკადრო ცვლილებები იგეგმება.

მისი განმარტებით, სამხედრო პოლიციიდან თანამშრომელთა 75%-ის გათავისუფლება იგეგმება.

ბარნოვი მიიჩნევს, რომ საკადრო წმენდა ქვეყანაში შექმნილ ეკონომიკურ კრიზისს უკავშირდება.

„სამხედრო პოლიციის ის სტრუქტურა და პირადი შემადგნელობა, რომლის დატოვებაზეც არის გადაწყვეტილება მიღებული, ფანტასტიკური სცენარის შემთხვევშიც კი ვერ გაწვდება იმ მოვალეობებს და ამოცანებს რაც სამხედრო პოლციას აქვს. ეს კი ნიშნავს, იმას რომ ჩვენ ისედაც მოშვებულ დისციპლინაში, გვექმნება უფრო მეტი პრობლემები. კერძოდ, არ მოხდება სათანადო კონტროლი არც ტვირთების, არც პირადი შემადგენლობის გადაადგილების, არც უსაფრთხოების - მათ შორის არც სამინისტროს ხელმძღვანელ პირთა უსაფრთხოების სათანადო დაცვა. მაქვს დაზუსტებული ინფორმაცია, რომ ეს ცვლილებები რაც ხდება გამოწვეულია არა რაიმე რეალური საჭიროებით, არამედ ქვეყნის გაპარტახებული ბიუჯეტის გამო“, - განაცხადა ბარნოვმა.

ნინო დათაშვილი