უმრავლესობის წევრი თინა ხიდაშელი პარლამენტში დაგეგმილ რიგგარეშე სხდომაზე მისვლას არ აპირებს.

დეპუტატის განმარტებით, სხდომაში, რომელსაც ფორმატი არ აქვს, მონაწილეობას არ მიიღებს.

„ქუთაისში სხდომის ჩატარება სამართლებრივად შეუძლებელია. მე ვურჩევ ჩვენს ოპონენტებს, რომ უფრო სერიოზულობით მოეკიდონ კანონის მოთხოვნებს. რაც შეეხება სხდომას, რა თქმა უნდა არ წავალ, რადგან ღონისძიებებში, რომელსაც არ აქვს ფორმატი და რომლის შედეგი გაურკვეველია, ბავშვობის მერე მონაწილეობას არ ვღებულობ“, - განაცხადა ხიდაშელმა.

შეგახსენებთ, დღეს პარლამენტში პრეზიდენტის მოწვევით რიგგარეშე სხდომაა ჩანიშნული. უმრავლესობა ქუთაისში ჩასვლას არ აპირებს, რის გამოც არსებობს ვარაუდი, რომ ქვორუმის არარსებობის გამო სხდომა ჩიაშლება.