„თავისუფალი დემოკრატების“ ერთ-ერთი ლიდერი ნინო გოგუაძე მიიჩნევს, რომ კომიტეტების სხდომა, სადაც მთავრობის ეკონომიკურ გუნდს უსმენენ, შოუს ელემენტებს შეიცავს.

ამის შესახებ გოგუაძემ ჟურნალისტებთან საუბრისას განაცხადა.

მისი თქმით, ეს არის მცდელობა, რომ ხვალ დაგეგმილი რიგგარეშე სხდომის თემა გადაიფაროს.

"მოლოდინი არ გვაქვს, რომ მთავრობას ექნება დაწერილი გეგმა. მგონია, რომ ასეთი გეგმა არ არსებობს. ძალიან სასიამოვნოდ გამიკვირდება, თუ კომიტეტზე გაწერილ გეგმას წარმოადგენენ. მთავრი მინდა გითხრათ, რომ შოუ არის სწორედ ეს კომიტეტი, რომელიც მოიწვიეს იმიტომ, რომ გაამართლონ ხვალინდელი სხდომის ჩაშლა",- განაცხადა ნინო გოგუაძემ.

დარგობრივი ეკონომიკის კომიტეტის სხდომაზე ეკონომიკური გუნდის წევრების მოსმენა ცოტა ხანში დაიწყება.

ნინი კაციტაძე