პრემიერ-მინისტრი ტელევიზიების ნაწილს არასწორი ინფორმაციის გავრცელებაში ადანაშაულებს და ამბობს, რომ მედიის ნაწილი ცდილობს რეგიონში არსებული რეალობა სხვაგვარად წარმოაჩინოს.

ამის შესახებ ირაკლი ღარიბაშვილმა მთავრობის სხდომაზე განაცხადა.

მისი თქმით, მთავრობას მუდმივი კომუნიკაცია აქვს ბიზნესსექტორთან, რომლებიც აცხადებენ, რომ გასული წელი იყო ყველაზე წარმატებული ბოლო ხუთი წლის განმავლობაში მათთვის.

„ჩვენ კარგად გვესმის, რომ დღევანდელი ტელევიზიების უმეტესი ნაწილი ხელს უწყობს, რომ განსხვავებულად წარმოაჩინოს რეალობა და ხალხს არ აუხსნან რა ხდება რეგიონში. წარმოაჩინონ სიტუაცია ისე, თითქოს მხოლოდ ჩვენს ქვეყანაში არის რთულად ვითარება, რაც მიმაჩნია, რომ არის ძალიან დიდი ტყუილი", - განაცხადა ღარიბაშვილმა.

ნინო დათაშვილი