„თავისუფალი დემოკრატების“ ერთ-ერთი ლიდერი ზურაბ აბაშიძე კომიტეტების სხდომაზე მთავრობის ეკონომიკური გუნდის დასწრებას მასკარადს უწოდებს.

ამის შესახებ აბაშიძემ ჟურნალისტებთან საუბრისას განაცხადა.

"კომიტეტის სხდომა არის ფარსი და მასკარადი, რომელზეც თავად ისინი საუბრობენ. აქედან გამომდინარე, არანაირ კომიტეტის სხდომაზე არანაირი პასუხი არ გაიცემა. წერილობით დღესაც კი არ არსებობს კონკეტული ხედვა წარმოდგენილი მთავრობის მხრიდან პრობლემების მოსაგვარებლად“, - განაცხადა ზურაბ აბაშიძემ.

დღეს პარლამენტში დარგობრივი და ეკონომიკური პოლიტიკის კომიტეტის სხდომა გაიმართება. დეპუტატები ქვეყანაში არსებულ ეკონომიკურ-ფინანსურ მდგომარეობასთან დაკავშირებით დარგობრივი ბლოკის მინისტრებს მოუსმენენ.

ნინი კაციტაძე