ეკნომიკის მინისტრი გიორგი კვირიკაშვილი ეთანხმება პარლამენტის თავმჯდომარის მოსაზრებას, რომ ეკონომიკისთვის პირველი საფრთხე ჭორაობა და მითქმა-მოთქმაა.

როგორც მინისტრმა ჟურნალისტებთან საუბრისას აღნიშნა, დავით უსუფაშვილის გამოთქმა "გონებამახვილურია".

„ვეთანხმები უსუფაშვილა, რომ ერთ-ერთი მთავარი პრობლემა აჟიოტაჟის ხელოვნურად გამოწვევაა. ჩვენ ყველანი უნდა ვეცადოთ, რომ მაქსიმალურად დავაცხროთ ვნებები იქ, სადაც საუბარი ეკონომიკას ეხება, რადგან ეს ძალიან მგრძნობიარე თემაა", - განაცხადა კვირიკაშვილმა.

პარლამენტის თავმჯდომარემ რამდენიმე დღის წინ განაცხადა, რომ „ნომერი პირველი საფრთხე, რომელიც ეკონომიკას აქვს, ეს არის - ჭორაობა, მითქმა-მოთქმა, არასტაბილურობის განცდა და აპოკალიფსური სურათების დახატვა“.