ენერგეტიკის მინისტრის თქმით, ცენტრალური და ადგილობრივი ხელისუფლება პროექტების განსახორციელებლად ინვესტორებს მაქსიმალურად დაუჭერს მხარს.

ამის შესახებ კალაძემ გუბერნატორებთან, მერებთან და გამგებლებთან შეხვედრის შემდეგ განაცხადა.

„რეგიონებში არსებულ ვითარებასთან დაკავშირებით მნიშვნელოვანი ინფორმაცია მივიღეთ. საუბარი შეეხო როგორც მიმდინარე პროექტებს, ასევე იმას, თუ რა უნდა გააკეთოს ხელისუფლებამ, რომ ინვესტორებს პირობები გაუმარტივოს. ბევრი ინფრასტრუქტურული პროექტი ხორციელდება, ბევრი ინვესტორია მხოლოდ ენერგეტიკის მიმართულებით, რომლებიც გარკვეულ პროექტებს ახორციელებენ. ჩვენი მხრიდან იქნება მაქსიმალური მხარდაჭერა, რომელიც ამ პროექტების უპრობლემოდ განხორციელებას უზრუნველყოფს. მომავალში ინვესტიციების რაოდენობა კიდევ გაიზრდება, რადგან მთავრობას აქვს სწორი მიდგომა“, - განაცხადა კალაძემ.

პრემიერი ეკონომიკურ გუნდთან ერთად გუბერნატორებს, მერებს და გამგებლებს შეხვდა.