პრემიერი თქმით, მთავრობა კორუფციის წინააღმდეგ დაუნდობელი იქნება. როგორც მან მერებთან და გამგებლებთან შეხვედრის შემდეგ განაცხადა, დაუსჯელი არავინ დარჩება.

„საქართველოს მთავრობა მსოფლიოში ყველაზე ნაკლებად კორუმპირებული მთავრობაა. ამ მხრივ ჩვენ მსოფლიოში მე-11 ადგილზე ვართ და ეს არის ის მიღწევა, რომლითაც ვამაყობ. ეს ძალიან მნიშვნელოვანი ინდიკატორია, თუ როგორი მთავრობა ჰყავს ქვეყანას. მინდა, რომ ამ საკითხს დიდი ყურადღება დავუთმოთ. ჩვენ ვიქნებით დაუნდობელი კორუფციის წინაშე. კორუფციის არაერთი მაგალითი გამოვავლინეთ, თუმცა ეს სისტემური არ არის. მადლობა ღმერთს ამის ბევრი ფაქტი არ დაფიქსირებულა. მინდა ყველამ იცოდეს, რომ ნებისმიერი კანონდარღვევა დაუყოვნებლივ იქნება აღკვეთილი და ყველა პირი, რომელიც დანაშაულს ჩაიდენს, დაისჯება“, - აღნიშნა პრემიერმა.