მოსკოვი-სოხუმი-თბილისი რკინიგზის ხაზის აღდგენის შესახებ, კონსულტაციებისთის რუსეთი მზადყოფნას გამოთქვამს .

ამის შესახებ, რუსეთის საგარეო საქმეთა მინისტრმა, სერგეი ლავროვმა დღეს გამართულ პრესკონფერენციაზე განაცხადა.

ლავროვის თქმით, რუსეთი კონსულტაციებისთვის მზად არის, თუმცა საბოლოო გადაწყვეტილება საქართველომ და აფხაზეთმა უნდა მიიღონ.

„ამ საკითხით, ბუნებრივია სომხეთიც დაინტერესებულია. რკინიგზის ხაზის აღდგენას ჩვენ მხარს დავუჭერთ, თუმცა პირობების შესახებ, პირველ რიგში თბილისმა და სოხუმმა უნდა მოილაპარაკონ“ - განაცხადა ლავროვმა.

სერგეი ლავროვმა ჟენევის მოლაპარაკების მნიშნელობაზც ისაუბრა და აღნიშნა, რომ ეს ძალიან სასარგებლო ფორმატი აღმოჩნდა. მისი თქმით, ჟენევის ფორმატის ჩამოყალიბების შემდეგ ბერვი პოზიტიური ცვლილება მოხდა.

„რაც მთვარია, ეს არის გზა, რომლის მეშვეობითაც, საქართველოს, აფხაზეთისა და სამხრეთ ოსეთის წარმომადგენლები, პირდაპირ შეხვედრებს მართავენ“- აღნიშნა ლავროვმა.

სერგეი ლავროვმა განაცხადა, რომ ჟენევის ფორმატში შემდეგი შეხვედრისას, რუსეთი და აფხაზეთი შეეცდებიან, საქართველოს მთავრობა ძალის გამოუყენებლობის დოკუმენტზე ხელმოწერაზე დაითანხმონ.

შეგახსენებთ, რუსეთის საგარეო საქმეთა მინისტრმა, სერგეი ლავროვმა და აფხაზეთის ე.წ. საგარეო უწყების წარმომადგენელმა, ვიაჩესლავ ჩირიკბამ დღეს, ახალ მემორანდუმს მოაწერეს ხელი.

მემორანდუმი, საგარეო პოლიტიკის კოორდინირებულად განხორციელების მექნიზმებს ეხება.

ხატია ლაღიძე