უარი რბილ ავეჯზე და დაზოგილი 0,5 თეთრი, "მთავრობა ხალხს დასცინის"

უარი რბილ ავეჯზე და დაზოგილი 0,5 თეთრი, "მთავრობა ხალხს დასცინის" - გოკა გაბაშვილი

პოლიტიკა - 23:22, 10 Mar, 2015

1741

საპარლამენტო უმცირესობის წევრი გიორგი გაბაშვილი ქვეყანაშ მიმდინარე პოლიტიკურ პროცესებს გამოეხმაურა და განაცხადა, რომ მიუხედავად იმისა რომ ქვეყანაში რეალურად მძიმე ვითარებაა, მმართველი გუნდი სიტუაციის გამოსასწორებლად არაფერს აკეთებს, ფინანსთა მინისტრი კი პრეზიდენტის მიერ მოწვეულ რიგგარეშე სხდომას თოქშოუს უწოდებს:

"ამ ქვეყანას აღარ ჰყავს პარლამენტი, ამ ქვეყანას აღარ ჰყავს არც მთავრობა. ამ ქვეყანას ჰყავს ერთი ოლიგარქი და მის ნებაზეა დამოკიდებული ყველაფერი, არ არსებობს მსოფლიოში არც ერთი ნორმალური ქვეყანა, რომელიც არ შეიკრიბებოდა და არ გამართავდა საგანგებო მსჯელობას შექმნილ ვითარებაზე. აპოკალიფსურ სურათების ხატვაზე არ არის საქმე, ვითარება რეალურად არის მძიმე, ქვეყნის ეკონომიკური ზრდას 4 მილიარდი დააკლდება, ბიუჯეტს კი - 100 მილიონი. პრეზიდენტი იწვევს პარლამენტის სხდომას და დეპუტატები და მთავრობა არ აპირებენ მოსვლას. ფინანთა მინისტრი კი ქვეყნის ეკონომიკაზე მსჯელობისათვის მოწვეულ სხდომას ბედავს და უწოდებს თოქშოუს. ასეთი დამოკიდებულება პარლამენტის მიმართ უნდა აწუხებდეს, პირველ რიგში, პარლამენტის თავმჯდომარეს და დღევანდელ უმრავლესობას," - განაცხადა გაბაშვილმა გადაცემა „არჩევანის" ეთერში.

გაბაშვილის თქმით, საქართველოს მოქალაქეები ხელისუფლებისგან სერიოზულ პასუხებს და კონკრეტულ ნაბიჯებს ელოდება, ამის საპირისპიროდ კი მათგან ცინიზმს და რბილ ავეჯის შესახებ საუბრებს ისმენს

„მათივე პოლიტიკური გუნდის წვერი იწვევს პარლამენტის ანტიკრიზისულ სხდომას და თავად მთავრობა და უმრავლესობა აცხადებს, რომ არ მოვლენ და არ ეტყვიან ხალხს შემცირდება თუ არა გადასახადები, გაუქმდება თუ არა რეგულაციები, გადაიდგმება თუ არა კონკრეტული ნაბიჯები. რამე პასუხები ხომ უნდა არსებობდეს, თუ რბილი ავეჯია მართლა ყველაფერი? თუ მართლა ეს ცინიზმია ყველაფერზე პასუხი, რომ თურმე 70 ათასს დაზოგავს სერგეენკო. ეს ხომ ხალხის დაცინვაა,“ - აღნიშნა გაბაშვილმა.

„ნაციონალური მოძრაობის“ წევრმა „ქამრების შემოჭერის“ ფარგლებში მერიაში გატარებულ ღონისძიებებზეც ისაუბრა და განაცხადა, რომ მერიამ ქამრები შემოიჭირა და 0,50 თეთრი დაზოგა.

"ამაზე მეტი სასაცილო რა გინდათ, საგზაო სამუშაოებისათვის მერიამ 2 მილიონი გამოყო, თანხა კომპანიას წინასწარ გადაურიცხა, შემდეგ კი სავალუტო კრიზისის პირობებში ქამრები შემოიჭირა და 0,50 თეთრი დაზოგა. ამ მთავრობას არ აქვს სამოქმედო გეგმა რაც ძალიან ცუდია ქვეყნისთვის,"- განაცხადა გოკა გაბაშვილმა.

_{ნინო ზედგენიძე}