პრეზიდენტთან თუ აფხაზეთის და ოსეთის საკითხზე არ მიდიან, მაშინ რა ესაქმებათ ხელისუფლებაში?

პრეზიდენტთან თუ აფხაზეთის და ოსეთის საკითხზე არ მიდიან, მაშინ რა ესაქმებათ ხელისუფლებაში? - ფიქრია ჩიხრაძე

პოლიტიკა - 19:54, 10 Mar, 2015

2264

ეს გახლდათ სახელისუფლებო გუნდის ძალიან უცნაური ქცევის ერთერთი მძიმე გამოვლინება - ასე აფახებს ,,ნიუპოსტთან“ კომენტარში ,,ახალი მემარჯვენეების“ ლიდერი ფიქრია ჩიხრაძე მმართველი გუნდის დღევანდელ გადაწყვეტილებას, რომლის მიხედვითაც მათ უარი განაცხადეს მისულიყვნენ პრეზიდენტთან დაგეგმილ შეხვედრაზე, სადაც საუბარი შეეხებოდა ოკუპირებულ ტერიტორიებზე შექმნილ ვითარებას.

,,ბოლო დროს ბევრი ასეთი დაგროვდა. ისეთ საკითხთან მიმართებაში, როგმელიც ეხება ქვეყნის ტერიტორიულ მთლიანობას, ქვეყნის უსაფრთხოების საკითხებს უმრავლესობა, რაღაც გაბუტვის პოზაშია ჩამდგარი პრეზიდენტთან არ მიდის. ისინის თურმე რამდენიმე საკითხზე ერთდროულად ვერ მოემზადებოდენ. ასეთი დამოკიდებულება ვერ უძლებს ვერანაირ კრიტიკას, ეს არ არის ჩვეულებრივი უპატივცემულობა პრეზიდენტის ინსტიტუტის მიმართ, რომელიც არაერთხელ გამოუვლენია საპარლამენტო უმრავლესობას. ეს არის საზოგადობის წინაშე უპასუხისმგებლობა და ხალხის აზრის აბუჩად აგდება. ხელისუფლება ვერ აცნობიერებს საკუთად პასუხისმგებლობას, რომ მას ევალება ქვეყნის მართვა და სტრატეგიულ საკითხებზე გადაწყვეტილებების მიღება. ხელისუფლებას ელემენტარული წარმოდგენაც კი არ აქვს სეთ საკითხებზე, როგორიც არის აფხაზეთის და ოსეთის საკითხი რუსეთის ასეთი გამძაფრბული აქტივობების ფონზე. მაშინ რა ესაქმებათ ხელისუფლებაში, მათ უნდა დაიხურონ ქუდები და წავიდნენ სახლებში, რადგან გამოდის, რომ ისინი უბრალოდ იღებენ მაღალ ხელფასებს, ინიშნავენ მაღალ პრემიებს და სხვა დანიშნულება მათ ხელისუფლებაში ყოფნას არ აქვს. თუ აბაშიძე-კარასინის ფორმატმა უნდა ჩაანაცვლოს პარლამენტიც, მთავრობაც და ყველა უწყება მაშინ რისი მაქნისია ასეთი მთავრობა ან ასეთი პარლამენტი?,’’ - აცხადებს ფიქრია ჩიხრაძე.