„ახალი მემარჯვენეების“ ერთ-ერთი ლიდერი მამუკა კაციტაძე მიიჩნევს, რომ საარჩევნო სისტემის შეცვლაში მედიის თანამონაწილეობა მნიშვნელოვანია.

აქედან გამომდინარე კაციტაძე არასაპარლამენტო ოპოზიციური პარტიების წარმოამდგენლების მედიასთან შეხვედრას დადებითად აფასებს.

„საარჩევნო სისტემის შეცვლა არ არის მხოლოდ პოლიტიკოსის პრობლემა, არ არის მხოლოდ არასამთავრობო ორგანიზაციების პრობლემა, ეს არის ყველას პრობლემა, მათ შორის მედიის, აქედან გამომდინარე თანამონაწილეობა ამ პრობლემების გადასაჭრელად არის უაღრესად მნიშვნელოვანი“,-განაცხადა მამუკა კაციტაძემ.

საარჩევნო სისტემის ცვლილებაში მედიის ჩართულობაზე საუბრობს „გაერთიანებული დემოკრატიული მოძრაობის"ერთ-ერთი ლიდერი გიორგი ახვლედიანიც.

„საზოგადოება მოითხოვს შეიცვალოს არსებული მანკიერი, დანაშაულებრივი საარჩევნო სისტემა. ხელისუფლება დიდხანს ვეღარ დაიმალება. მედიის დახმარება ამ თვალსაზრისით და რეალურად ამ თემაზე თამასის მაღლა აწევა, ხელისუფლებას პრაქტიკულად დააკარგვინებს შანსს იჯდეს ჩირგვებში“, -განაცხადა გიორგი ახვლედიანმა.

დღეს, ინტერპარტიული ჯგუფის მორიგი სხდომა გაიმართა. არასაპარლამენტო ოპოზიციური პარტიების წარმოამდგენლები ტელევიზიების და საინფორმაციო სააგენტოების ხელმძღვანელებს შევდნენ. ინტერპარტიული ჯგუფი შეხვედრეს არასამთავრობო ორგანიზაციების წარმომადგენლებთანაც გამართავს, ხვალ კი სპეციალური მემორანდუმის გაფორმება იგეგმება. შეხვედრა სასტუმრო ვერე პალასში გაიმართა.