ქვემო ქართლი ყოფილმა გუბერნატორმა დავით კირკიტაძემ საგამოძიებო უწყება ცოტა ხნის წინ დატოვა. კირკიტაძის თქმით, მისი დაკითხვა ფორმალობა იყო.

„ეს ადამიანები თავის უშუალო მოვალეობას არ ასრულებენ. რაც მათ გაუკეთებიათ, არის მხოლოდ ის, რომ შენობა გაურემონტებიათ, იღებენ მაღალ ხელფასებს და არ ფიქრობენ, თუ რა სჭირდება ქართველ ხალხს. ყველა გამოსაშვებია ამ შენობიდან, რადგან ამათი დანიშნულება არის მხოლოდ ის, როგორ მოიწყონ კომფორტი და როგორ აიღონ მაღალი პრემიები. რაც შეეხება დაკითხვას, მხოლოდ ფორმალობა იყო“, - განაცხადა კირკიტაძემ.

მისი ადვოკატის გიორგი კონდახიშვილის თქმით, კირკიტაძეს მხოლოდ ერთი კითხვა იმასთან დაკავშირებით, ცნობდა თუ არა იგი თავს დამნაშავედ.

კირკიტაძე საქართველოში 7 მარტს დაბრუნდა. ყოფილ გუბერნატორს ბრალად უფლებამოსილების ბოროტად გამოყენება ედება.