საპარლამენტო უმრავლესობა პრეზიდენტთან დღეს დაგეგმილ შეხვედრაზე არ მივა.

როგორც „ნიუპოსტს“ ფრაქცია „მრეწველების“ ლიდერმა გოგი თოფაძემ განუცხადა, გადაწყვეტილება უმრავლესობამ ცოტა ხნის წინ მიიღო.

„უმრავლესობამ მიიღო გადაწყვეტილება, რომ არ წავალთ შეხვედრაზე. შეხვედრა სავარაუდოდ, ერთი თვით გადაიდება. ჩვენ პრეზიდენტს რიგგარეშე სხდომაზე ვთხოვეთ, რომ არ დაენიშნა, თუმცა სხდომა დანიშნა და ამ მოტივით შევიკავეთ თავი“, - განაცხადა თოფაძემ.

შეგახსენებთ, დღეს უმრავლესობა გიორგი მარგველაშვილს უნდა შეხვედროდა. შეხვედრის თემა საქართველოს ოკუპირებულ ტერიტორიებზე არსებული ვითარება უნდა ყოფილიყო.