საკრებულოს დამოუკიდებელი დეპუტატი ალეკო ელისაშვილი რიიგარეშე სხდომის ჩანიშვნისა და მასზე დავით ნარმანიას მისვლასთან დაკავშირებით ხელნაწერების შეგროვებას წყვეტს.

მისი თქმით, მიზანს უკვე მიაღწია.

„მე მაქვს 10 ხმა, სულ საჭიროა 13 ხმა. მთელი დღის განმავლოვაში ველოდი „თავისუფალი დემოკრატების“ ხმებს. ვიცი, რომ ზოგი მათგანი ფეხს ითრევდა ხელმოწერაზე. კარგია, რომ მიხვდა დავით ნარმანია, რომ ის ანგარიშვალდებულია საკრებულოს წინაშე. ორი კვირა არაფერს არ წყვეტს. დაველოდები მშვიდად და თუ ეს სიტყვებად დარჩება და ნარმანია არ მოვა, გარწმუნებთ მეორე დღესზე 13 დეპუტატის მიერ ხელმოწერილი მოთხოვნა შევა საკრებულოს თავმჯდომარესთან“, - განაცხადა ელისაშვილი.

შეგახსენებთ, თბილისის მერიამ გუშინ გაავრცელა განცხადება, სადაც ნათქვამი იყო, რომ დავით ნარმანია საკრებულოში მისვლასა და გაწეული საქმიანობის შესახებ ანგარიშის წარდგენას მიმდინარე წლის აპრილის პირველ კვირაში გეგმავს.