თავდაცვის მინისტრის მინდია ჯანელიძის ინფორმაციით, მის უწყებაში ყველა ზომაა მიღებული, რომ ნიუ-ჯერსიში გარდაცვლილი ქართველი კურსანტების საქართველოში ჩამოსვენება სწრაფად მოხდეს.

მისი თქმით, ამ დროისთვის სამართლებრივი პროცედურები მიმდინარეობს.

„ჩვენი მხრიდან ყველა ზომაა მიღებული იმისთვის, რომ გადმოსვენება რაც შეიძლება ჩქარა მოხდეს. სამინისტროს მხრიდან ერთი წუთი დაყოვნება არ იქნება. უბრალოდ არსებობს გარკვეული პროცედურები, რომელიც აუცილებლად უნდა გავიაროთ. ყველა მუშაობს იმისთვის, რომ დაჩქარდეს ეს პროცესი. მე უშუალოდ ოჯახებში ვაპირებ მისვლას და მათთვის სამძიმრის გამოცხდებას. თუმცა მინდა ვისარგებლო შემთხვევით და კიდევ ერთხელ აღვნიშნო, რომ თავდაცვის სამინისტრო შეძრულია ქართველი კურსანტების დაღუპვის გამო", - აღნიშნა მინდია ჯანელიძემ.