ჯონ მაკკეინი და მიხეილ სააკაშვილი КГБ- სთან თანამშრომლობაში „ამხილეს“

პოლიტიკა - 12:50, 09 Mar, 2015

36757

სააგენტო “საქინფორმის” მთავარი რედაქტორის არნო ხიდირბეგიშვილის განცხადებით, საქართველოს მესამე პრეზიდენტის მიხეილ სააკაშვილის და აშშ-ს სენატორის ჯონ მაკკეინის მხრიდან რუსეთის მისამართით გამოთქმულ კრიტიკას ერთი და იგივე მიზეზი აქვს. ხიდირბეგიშვილი მაკკეინსა და სააკაშვილს „კა გე ბე“-სთან თანამშრომლობაში „ამხელს“ და აცხადებს, რომ მათი განცხადებები სწორედ ამ თანამშრომლობის გადაფარვის მიზნით კეთდება:

„1967 წლის 6 ოქტომბერს ვიეტნამში რუსი პოდპოლკოვნიკის იური პეტრეს ძე ტრუშეჩკინის ზუსტი სარაკეტო გასროლით ჩამოგდებული იქნა ამერიკელი მფრინავის ჯონ მაკკეინის თვითმფრინავი, რომელიც ჰანოის ცენტრში , ტბაში ჩავარდა. ამერიკელ მფრინავებს ჩვეულებრისამებრ თოხებით კლავდნენ, მაგრამ დაჭრილ მაკკეინს ვიეტნამის საუკეთესო ჰოსპიტალში უმკურნალეს და ტყვეობაც კარგ პირობებში გაატარა, რადგან დათანხმდა რუს კაგებეშნიკებთან- ევგენი ლეგოისტევთან და ივან შპორტთან თანამშრომლობას და მისთვის ცნობილი სამხედრო საიდუმლოებები პირველივე დღეს დაამღერა.

აი, რატომ აგინებს გამუდმებით სენატორი მაკკეინი რუსეთს- მას ეშინია, რომ ადრე თუ გვიან კაგებესთან მისი თანამშრომლობის შესახებ ინფორმაცია გაჟონავს! იგივე მოტივი აქვს ამერიკელებისთვის პრეზიდენტად დარჩენილ ჩვენს ნაპრეზიდენტალს- თუ კაგებესთან მისი თანამშრომლობა დამტკიცდა, უბრალოდ იტყვის, რომ ეს არის მორიგი პროვოკაცია“- აცხადებს ხიდირბეგიშვილი.