მერიაში კრიზისია, ამიტომ შესაძლოა მესამე კანდიდატურაზეც იყოს საუბარი

მერიაში კრიზისია, ამიტომ შესაძლოა მესამე კანდიდატურაზეც იყოს საუბარი - უგრეხელიძე

პოლიტიკა - 10:57, 09 Mar, 2015

1387

თბილისის საკრებულოს ფრაქცია „ნაციონალური მოძრაობის“ თავმჯდომარე, სევდია უგრეხელიძე აცხადებს, რომ თბილისის მერის მოადგილედ ეკონომიკური ექსპერტის, ირაკლი ლექვინაძის კანდიდატურის დასახელება მერიაში შექმნილ კრიზისულ ვითარებას ასახავს. უგრეხელიძის თქმით, კრიზისის გამო მიმდინარეობს კანდიდატურების ძიება, რის გამოც თბილისის მერის მოადგილის პოსტზე უკვე მეორე კანდიდატურა დასახელდა.

"ძალიან მძიმე კრიზისია თბილისის მთავრობაში ისევე, როგორც საერთოდ საქართველოს მთავრობაში. აქედან გამომდინარე არის სწორედ ის, რომ მიმდინარეობს კადრების ძიება. ჩვენ ახლა ვისმენთ მეორე კანდიდატურის შესახებ, შეიძლება მესამეზეც იყოს საუბარი, ამიტომ ვერცერთის შესახებ პიროვნულად ვერ ვისაუბრებ.

ვიცე-მერი თავისუფალი უნდა იყოს ყოველგვარი პოლიტიკური მოტივაციისგან. ის უნდა იყოს ადამიანი, რომელიც პრაქტიკულად გააკეთებს საქმეს თბილისიელი მოსახლეობისთვის,“-განაცხადა სევდია უგრეხელიძემ.

შეგახსენებთ, რომ თბილისის მერის მაოდგილემ, ალექსანდრე მარგიშვილმა თანამდებობა დატოვა და იგი საქმიანობას მერიის ახლად შექმნილ ორგანოს, „მეწარმეობის ხელშეწყობის ცენტრი“-ის ხელმძღვანელად განაგრძობს.