აჭარის უმაღლესი საბჭოს დეპუტატები მედეა ვასაძე და ჯემალ ფუტკარაძე დეპუტატ სვეტლანა კუდბას მიმართ ზეწოლაზე საუბრობენ. მათი ინფორმაციით, სწორდ ამ მიზნით იმყოფებოდა კუბდას სახლში უმაღლესი საბჭოს თავმჯდომარე.

როგორც ისინი ამბობენ, ავთანდილ ბერიძე კუდბას უმაღლესი საბჭოს რიგგარეშე სესიაზე მისვლას სთხოვდა.

„პრემიერიდან გამოსვლის შემდეგ ასევე ძალიან ცუდად არის სვეტლანა კუდბა. ბატონი ავთანდილი მასთან მისული იყო იმისთვის, რომ აკონტროლოს სვეტლანა კუდბას სხდომაზე მისვლის საკითხი. მე არა მგონია, რომ სვეტლანა კუდბას ჯანმრთელობა აინტერესებდეს ბერიძეს“, - განაცხადა მედეა ვასაძემ.

შეგახსენებთ, აჭარის უმაღლეს საბჭოში დღეს სიგგარეშე სესია გაიმართება. სხდომაზე ვიცე-სპიკერის არჩევისა და კვოტების გადანაწილების საკითხი განიხილება, თუმცა ჯერ უცნობია შეიკრიბება თუ არა ქვორუმი.