,,ვოლსკის უზნეო განცხადება ხალხის შეურცხყოფაა“

,,ვოლსკის უზნეო განცხადება ხალხის შეურცხყოფაა“ - მუხრან ბურჭულაძე

სოც.მედია - 19:27, 08 Mar, 2015

3201

საპარლამენტო უმრავლესობის წევრის განცხადებას ეხმაურება 7 მარტს გამართული აქციის ერთ-ერთი ორგანიზატორი ,,დემოკრატიული განვითარების ეროვნული ცენტრის“ ხელმძღვანელი მუხრან ბურჭულაძე და გია ვოლსკის პოზიციას შეურაცხმყოფელს უწოდებს.

,,ვოლსკის უზნეო განცხადება 7 მარტის აქციასთან დაკავშირებით, ხალხს შეურაცხყოფს. ხალხმა აჩვენა რომ არათუ აგრესია, არამედ მშვიდობა და თავისუფლება სურს და არა გამყიდველი დესპანი.

პუტინიც აგრესიულებად და ფაშისტებად მოიხსენიებს იმ ხალხს, ვინც თავისუფლებისთვის თავი დადო.

აი ეს თავისუფლების მოყვარე ხალხი გაგაძევებს!

დაგპირდით რომ ეს აქცია აჩვენებდა თუ როგორ შეუძლია საზოგადოებას თვითორგანიზება, რომ ეს აქცია იქნებოდა მაგალითი იმისა თუ როგორ აგვარებს პრობლემას ევროპელი ხალხი, რომ აქ ქართველი ერი ყოველგვარი ძალადობის წინააღმდეგია და რომ ჩვენი ხალხის სურვილი თავისუფლებაა!

ახლა ჯერი "თქვენზეა" - აღასრულეთ ხალხის ნება ისე როგორც ეს ევროპული სახელმწიფოს მმართველთ შეშვენის, აჩვენეთ ყველას რომ თქვენი მიზანი ხალხის ნების აღსრულებაა.

სხვაგვარად ვერ იქნება, ამას გპირდებით, რადგან ჩვენს ქვეყანაში ხალხი წყვეტს თუ როგორი იყოს მისი მომავალი.

გაემიჯნეთ აბაშიძეს, წინააღმდეგ შემთხვევაში გაიზიარებთ მის პასუხისმგებლობას“ - წერს მუხრან ბურჭულაძე