ეკონომიკის მინისტრი პარლამენტის რიგგარეშე სხდომის გამართვის საჭიროებას ვერ ხედავს.

როგორც გიორგი კვირიკაშვილმა ოპოზიციის მოთხოვნის კომენტირებისას განაცხადა, მდგომარეობის დასტაბილურებისთვის ყოველდღიური მუშაობაა საჭირო.

„იმის საჭიროებას, რომ დღეს კიდევ ავაზვირთოთ ემოციები და გავმართოთ სპეკულაციები, იმის თაობაზე, რომ რაღაც ხდება და ქვეყანა იღუპება, მინმაჩნია არასწორედ. დღეს ჩვენ გვჭირდება პოლიტიკური სპეკულაციებისგან სიტუაციის განეიტრალება. გვჭირდება ყოველდღიური კონსტრუქციული მუშაობა იმისთვის, რომ სიტუაცია დასტაბილურდეს და ეს პროცესი, პოლიტიკური ვნებების აზვირთება, ამას ხელს არ უწყობს“, - განაცხადა კვირკაშვილმა.

,,ნაციონალური მოძრაობა" პრეზიდენტს სპეციალური განცხადებით მიმართავს და პარლამენტის რიგგარეშე სხდომის მოწვევას ითხოვს. განცხადება დღეს პარტიის ოფისში ირმა ნადირაშვილმა გააკეთა. რიგგარეშე სხომის მოწვევას ითხოვენ „თავისუფალი დემოკრატებიც“.