უმრავლესობის წევრი გია ვოლსკი აბაშიძე- კარასინის ფორმატის გაუქმების მოთხოვნით გამართულ აქციას ეხმაურება. მისი თქმით, ფორმატის ერთადერთი ალტერნატივა არის ის, რომ შევწყვიტოთ მოლაპარაკებები და გადავიდეთ აგრესიულ ქმედებებზე.

როგორც ვოლსკი ამბობს, ფორმატი ჩამოყალიბებული არ არის რაღაც დოგმების გარშემო.

„ამ ფორმატის ალტერნატივა არსებობს მხოლოდ ის, რასაც აქციის მონაწილეები გვთავაზობენ, რომ შევწყვიტოთ მოლაპარაკებები და გადავიდეთ აგრესიულ ქმედებებზე, მაშინ როცა მთელი მსოფლიო, სხვადასხვა მეთოდით ცდილობს, აიძულოს რუსეთი, მოვიდეს მოლაპარაკებების მაგიდასთან“, -განაცხადა გია ვოლსკიმ.

შეგახსენებთ, მთავრობის კანცელარიასთან არასამთავრობო ორგანიზაციებმა აბაშიძე-კარასინის ფორმატის გაუქმების მოთხოვნით აქცია გამართეს.