განათლების მინისტრის მრჩეველი ოთო აბესაძე კოალიციაში გიორგი მარგველაშვილის რეკომენდაციით მოხვდა.

ამის შესახებ უმრავლესობის ლიდერმა დავით საგანელიძემ განაცხადა.

მისი თქმით, ოთო აბესაძე იმ შტაბში იყო, რომელსაც საპრეზიდენტო არჩევნების დროს თავად ხელმძღვანელობდა.

„ბატონმა პრეზიდენტმა, რომელიც მაშინ კანდიდატი იყო შემოგვთავაზა, რომ ეს პიროვნება შტაბში ყოფილიყო და ახალგაზრდულ ორგანიზაციაში ემუშავა. რაც შეეხება იმას, რომ ოთო აბესაძეს ელისო ჩაფიძე მუქარაში ადანაშაულებს, ეს ადვილად მოგვარებადი პრობლემაა. მე მგონია, რომ ზედმეტად ვამუქებთ ამ თემას. აქ არანაირი უთანხმოება და დაპირისპირება არც შეიძლება იყოს“, - განაცხადა საგანელიძემ.

შეგახსენებთ, ელისო ჩაფიძესა და ოთო აბესაძეს შორის დაპირისპირების შესახებ ინფორმაცია გუშინ მედიაში გავრცელდა.