უმრავლესობა კომიტეტების თავმჯდომარეების საკითხზე გადაწყვეტილებას მომავალ კვირას მიიღებს. ამის შესახებ საპარლამენტო უმრავლესობის ლიდერმა დავით საგანელიძემ განაცხადა.

მისი თქმით, ამ ეტაპზე კონსულტაციების რეჟიმში არიან.

„დრო გვაქვს, დრო არ გვაჩქარებს, ამიტომ გვინდა მივიღოთ ყველაზე სწორი და ყველაზე შეთანხებული გადაწყვეტილება. ალბათ შემდეგ კვირასაც გვექნება ამ თემაზე კონსულტაციები. სავარაუდო მივიღებთ გადაწყვეტილებას", - განაცხადა დავით საგანელიძემ.

ვრცელდება ინფორმაცია, რომ ევროინტეგრაციის კომიტეტის თავმჯდომარე თინა ხიდაშელი იქნება. ასევე გავრცელებული ინფორმაციით, საბიუჯეტო-საფინანსო კომიტეტის თავმჯდომარის თანამდებობას ნანა ყეინიშვილი დაიკავებს.