საპარლამენტო უმრავლესობის ლიდერის დავით საგანელიძის თქმით, მას არ მიაჩნია, რომ სავალუტო სტაბილიზაციის გეგმა პრეზიდენტისთვის მაინცდამაინც 5 მარტს არ უნდა ყოფილიყო წარმოდგენილი.

ამის შესახებ საგანელიძემ ჟურნალისტებთან საუბრისას განაცხადა.

მისი თქმით, ეს მნიშვნელოვანი დოკუმენტია და ნაჩქარევად მისი გაკეთება არასწორია.

„ეს არ არის ისეთი უმნიშვნელო საკითხი, რომ შეიძლებოდეს ამის 2-3 დღეში ნაჩქარევად გაკეთება. დამერწმუნეთ, არაფერი საჩქარო არ არის 5-ში იქნება ეს პროგრამა წარმოდგენილი, თუ 15-ში. იმის თქმა, რომ 5-ში უნდა წარმოადგინონ დოკუმენტი, თუ არადა ქვეყანა ინგრევაო, მოდი რა... ამ ქვეყნის დანგრევის ილუზია და სურვილი თუ ვინმეს აქვს, ღიად განაცხადოს“, - განაცხადა საგანელიძემ.

პრეზიდენტის ადმინისტრაციამ გუშინ მთავრობას შეახსენა, რომ სავალუტო სტაბილიზაციის გეგმა აქვს წარმოსადგენი.