პარლამენტის ვიცე-სპიკერმა გუბაზ სანიკიძემ ხელისუფლების მხრიდან დაპირებების შესრულებაზე ისაუბრა და რამდენიმე მიზეზი დაასახელა რის გამოც ხელისუფლების მხრიდან დაპირებების შესრულება და სამართლიანობის აღდგენა გაჭიანურდა:

„ ამას აქვს რამდენიმე მიზეზი, პირველი ეს არის საქმეების რაოდენობა, მე მართლა წარმოდგენა არ მქონდა თუ ასეთი ტოტალური უსამართლობა იყო ბიზნესთან დაკავშირებით. აქ არის საუბარი რომ სახელმწიფოსთვის გადაცემული ქონება გაიყიდა რამდენჯერმე. ეს არის აბლაბუდას ქსელი. ძალიან მძიმე ვითარება დაგვხვდა და ამას ჭირდებოდა მოსამზადებელი სამუშაოები პროკურატურის მხრიდან. ცალკე პრობლემაა პროკურატურაშიც, თავისუფალი პროკურატურა არ ქონია საქართველოს არასოდეს. პროკურორი რა იყო? არა- კვალიფიკაცია, არამედ ერთგულება ხელისუფლების მიმართ. მე არ ვმალავ, რომ კადრების პრობლემაც გვაქვს პროკურატურაში. ეს შედარებით გამოსწორდა ახლა და ეს სამართლიანობის აღდგენა, ქონების დაბრუნებასთან დაკავშირებით იქნება სერიოზული გამოცდა პროკურატურისთვის. მაგრამ ეს იქნება სერიოზული გამოცდა არა მარტო პროკურატურისთვის არამედ ქართული სასამართლოსთვისაც.“- განაცხადა გუბაზ სანიკიძემ გადაცემა „რეაქციაში“.

_{ნინო ზედგენიძე}