გიორგი კვირიკაშვილის განცხადებით საქართველოს რკინიგზის პრივატიზაციის საკითხი არ განიხილება. ვიცე პრემიერი ამბობს, რომ თემა გარკვეული პირების მიერ ნეგატიური მუხტის შექმნის მიზნით წამოიწია. თუმცა ეკონომიკის მინისტრი მომხრეა საგარეო პოლიტიკური საფრთხეების გათვალისწინებით რკინიგზის და მსგავსი ტიპის ორგანიზაციების წილი ბირჟაზე სამომავლოდ მაინც გავიდეს.

"ვიღაცეებს უნდათ, შექმნან ნეგატიური ახალი ამბავი, მერე ყველა დავდგეთ და ამაზე ვილაპარაკოთ. საუბარი იყო იმაზე, თუ მოხდება ოდესმე პრივატიზაცია, არსებული საგარეო პოლიტიკური საფრთხეები უნდა გავითვალისწინოთ. რკინიგზის პრივატიზაციის საკითხი ამ ეტაპზე არ განიხილება. მაგრამ ჩემის აზრით, იმისთვის, რომ იყოს საქართველიში აქტივების შეფასება უფრო იოლი, ასეთი ტიპის ორგანიზაციების მინორიტარული წილი ბირჟაზე უნდა გავიდეს", - განაცხადა ეკონომიკის მინისტრმა