,,თანამდებობისთვის მოუმწიფებელი ბავშვები“ - ბათლომე შელია საკრებულოში ჩხუბის დეტალებზე

პოლიტიკა - 15:48, 06 Mar, 2015

2497

თანამდებობოსთვის მოუმწიფებელი ბავშვები უწოდა ,,ნიუპოსტთან“ კომენტარში ზუგდიდის საკრებულოს წევრმა ,,ნაციონალური მოძრაობიდან“ ბათლომე შელიამ საკრებულოს ხელისუფლების წარმომადგენლებს, რომელებმაც დღეს სხდომაზე შელიას ფიზიკური შეურაცხყოფა მიაყენეს. ხელისუფლების წარმომადგენლებმა ოპოზიციის მიერ გამოხატულ კრიტიკას ბოთლების სროლით უპასუხეს. ,,ნაციონალური მოძრაობის“ წევრი კონკრეტულ მიზეზს განმარტავს და ამბობს, რომ ხელისუფლების წარმომადგენლები მათი საქმიანობის შეფასებისას კრიტიკას ვერ იღებენ.

,,ბოლო დღეების მათ ერთ კონკრეტულ საქმიანობას მე ბოდიალი ვუწოდე, რაშიც აბსოლუტურად დარწმუნებული ვარ და დღესაც შემიძლია ყველა დავსვა და დავუმტკიცო, რომ ბოდიალი ქვია იმას, რასაც ესენი აკეთებენ. მაშინ როცა თავად გაიძახიან სიტყვებს ,,სისხლისმსმელი“ ,,25 ათასი კაცის გამაუპატიურებელი“, ამის არ რცხვენიათ და სიტყვა ბოდიალი ვერ აიტანეს და პირდაპირ საკრებულოს სხოდმაზე საქმის გარჩევა დაიწყეს. ესენი არიან თანამდებობისთვის მოუმწიფებელი ბავშვები და პრობლემა არის სწორედ მათი შესაძლებლობები და აზროვნების არეალი, რაც დღეს გამოავლინეს“ - განაცხადა შელიამ.