შერიგებისა და სამოქალაქო თანასწორობის საკითხებში სახელმწიფო მინისტრი პაატა ზაქარეიშვილი საქართველოს ოკუპირებულ ტერიტორიებზე რუსეთის მიერ დაწყებული სამხედრო წვრთნებს ეხმაურება.

მისი თქმით, წვრთნები მხოლოდ საქართველოს წინააღმდეგ არ არის მიმართული და ეს არის ძალის დემონსტრირება მთელი მსოფლიოს წინაშე.

„ეს ის შემთხვევაა, როდესაც მსოფლიო უფრო ყურადღებით უნდა აკვირდებოდეს რუსეთის ქმედებებს, რადგან ეს არ არის მხოლოდ უკრაინის ან საქართველოს წინააღმდეგ მიმართული ნაბიჯი. ეს არის ძალის დემონსტრირება, თუ როგორც უნდა იქცეოდეს დასავლეთი რუსეთთან მიმართებაში, როგორც უნდა აფასებდეს რუსეთის აგრესიულ ქმედებებს მეზობლების წინააღმდეგ, ის თავხედურად განაგრძობს თავის პოლიტიკას“, - განაცხადა ზაქარეიშვილმა.