აუდიტის სამსახური თითქმის ყველა სამთავრობო უწყებას ამოწმებს. ამის შესახებ ჟურნალისტებთან საუბრისას აუდიტის სამსახურის გენერალურმა დირექტორმა განაცხადა.

მისი განმარტებით, ამ ეტაპზე აუდიტორები მთავრობის ადმინისტრაციაში და შსს-შია არიან შესულები.

„მიმდინარეობს თითქმის ყველა სამინისტროს შემოწმება. მათ შორის მთავრობის ადმინისტრაციის, რასაც ალბათ, ერთი თვის ვადაში დავასრულებთ. როგორც კი აუდიტორთა ჯგუფი გათავისუფლდება, შევალთ სახელმწიფო დაცვის სპეციალურ სამსახურში. ასევე ვამოწმებთ შინაგან საქმეთა სამინისტროსაც", - განაცხადა თორდიამ.