პრეზიდენტმა 8 მარტთან დაკავშირებით, სამი უვადო პატიმრობამისჯილი ქალი შეიწყალა. ამის შესახებ შეწყალების კომისიის თავმჯდომარე ზვიად ქორიძემ საგანგებო ბრიფინგზე განაცხადა.

მისი თქმით, პრეზიდენტმა შეწყალების ორ აქტს მოაწერა ხელი. ერთი აქტის საფუძველზე პრეზიდენტმა უვადო მსჯავრდებული სამი ქალბატონი შეიწყალა და მათი გათავისულების ვადა განსაზღვრა, რაც თითოეულ შემთხვევაში, საპატიმრო დაწესებულებაში მათი ყოფნის 20 წლის ვადას არ აღემატება.

ქალბატონები სასჯელს ნარკოდანაშაულისთვის იხდიდნენ.

რაც შეეხება მეორე აქტს, პრეზიდენტმა სულ 188 მსჯავრდებული შეიწყალა, რომელთაგან შვიდი არასრულწლოვანია. მათგან 130 მსჯავრდებული საპატიმროს დღესვე დატოვებს.

დანარჩენ 58 მსჯავრდებულს კი, სასჯელი შეუმცირდა.