ჩემს წინააღმდეგ პროვოკაციებია დაგეგმილი

ჩემს წინააღმდეგ პროვოკაციებია დაგეგმილი - ელისო ჩაფიძე

პოლიტიკა - 10:54, 06 Mar, 2015

3800

დავით საგანელიძისა და ზაქარია ქუცნაშვილის დაპირისპირების შემდეგ, ქართული ოცნების“ შიგნით კიდევ ერთი დაპირისპირებაა. დეპუტატი ელისო ჩაფიძე აცხადებს, რომ დაპირისპირება ირაკლი ტრიპოლსკისთან აქვს. ჩაფიძის თქმით ირაკლი ტრიპოლსკისთან დაახლოებული პირი, განათლების მინისტრის მრჩეველი ოთარ აბესაძე ტყიბულში მასზე ცრუ ინფორმაციას ავრცელებს და პროვოკაციების მოწყობას გეგმავს.

„მე დღემდე მაინტერესებს, განათლების მინისტრის მრჩეველ ოთარ აბესაძეს სხვა საქმე არაფერი აქვს, რომ ტყიბულში იმყოფებოდეს და პროვოკაციებს აწყობდეს?! საკმაოდ ბევრს ატყუებს, ტყიბულელებს აწოდებს ცრუ ინფორმაციას მთავრობის მიერ გაწეულ სამუშაოებთან დაკავშირებით. მე ხალხის არჩეული ვარ და უნდა მომეცეს ჩემი უფლებამოსილების განხორციელების საშუალება.

ოთარ აბესაძე ტყიბულის საზოგადოებას ირაკლი ტრიპოლსკიმ წარუდგინა. აბესაძე მას მაამას ეძახის. 2012 წელს აქციაზეც კი არ მინახავს ეს ადამიანი გამოსული. დღეს რა როლს თამაშობენ და რა ფუნქციას ასრულებენ, ეს მართლა ძალიან მაინტერესებს.

მაქვს ინფორმახია, რომ მათი მხრიდან პროვოკაციებია დაგეგმილილ ჩემს წინააღმდეგ და ასევე ადგილობრივი საკრებულოის წინააღმდეგაც აქვთ დაგეგმილი პროვოკაციები. ეს ძალა დამშვიდებულ რაიონში ცდილობს, წყალი აურიოს, მღვრიე წყალში თევზებს ვინც იჭერს, ეს ძალიან კარგად იცით, შესაძლოა გადავდგა ნაბიჯი და მოსალოდნელ პროვოკაციაზე წინასწარ ვისაუბრო“- აცხადებს ელისო ჩაფიძე.