მერიის ადმინისტრაციის ყოფილი უფროსის მოადგილე მარიამ შელეგია საქმიანობას კვლავ საჯარო სამსახურში გააგრძელებს, თუმცა კონრეტულად რომელ სფეროში არ აკონკრეტებს.

მისი თქმით, არ აქვს ინფორმაცია თუ ვინ შეცვლის მას მერიაში.

„თანამდებობა პირადი განცხადების საფუძველზე დავტოვე, რადგან მუშაობის გაგრძელებას ვაპირებ სხვა სამსახურში, კვლავ საჯარო სამსახურში. საქმის ვითარება და პირადი სურვილი დაემთხვა ერთმანეთს. ამ თანამდებობაზე ყოფნისას მე ჩემი ფუნქცია შევასრულე. რაც შეეხება ჩემს შემცვლელს, კანდიდატურა ბევრია გადაწყვეტილებას ბატონი დავით ნარმანია მიიღებს“ , - აცხადებს შელეგია.

გავრცელებული ინფორმაციით მერიის ადმინისტრაციის უფროსი შესაძლოა სატრანსპორტო სამსახურის ხელმძღვანელი პაატა ჯაჭვლიანი დაინიშნოს.

ნინი კაციტაძე