კოალიცია „ქართული ოცნების“ შემომწირველი ორი იურიდიული პირი 80 ათასი ლარით დაჯარიმდა.

ამის შესახებ სახელმწიფო აუდიტის გენერალურმა დირექტორმა ლაშა თორდიამ განაცხადა.

ჯერჯერობით დაჯარიმებული პირების ვინაობა არ კონკრეტდება.

„უფრო მეტი შემომწირველი ჰყავდა „ქართულ ოცნებას“. შესაბამისად ჩვენთან იყო დაბარებული დაახლოებით 200-მდე ადამიანი. ბევრმა მათგანმა წარმოადგინა არგუმენტი, თუ საიდან ჰქონდათ თანხა, რომელიც შემოწირულობის სახით განახოციელეს „ქართული ოცნების“ მისამართით. ორი იურიდიული პირი დაჯარიმა 80 ათასი ლარის ოდენობით, სადაც დარღვევა ეხებოდა არარეზიდენტი პირის მიერ შემოწირულობის ნახორციელებას. ასევე სარჩელი იყო წარდგენილი „გაერთიანებული დემოკრატების“ მისამართით, რამოდენიმე დაკმაყოფილდა, რამოდენიმეზე კი სასამართლომ წარმოება შეაჩერა“, - განაცხადა თორდიამ „რუსთავი 2“-თან საუბრისას.

სახელმწიფო აუდიტის სამსახურის ინფორმაციით, პარტიების შემოწირულობა ერთიანად სულ 7 ნახევარ მილიონ ლარს შეადგენს. აქედან 6 მილიონზე მეტი ლარი, კოალიცია "ქართულმა ოცნებამ" მიიღო.

ნინი კაციტაძე