„ნაციონალურმა მოძრაობის“ წევრი ირმა ნადირაშვილი ოზურგეთის ადგილობრივი ხელისუფლებას ნეპოტიზმში ადანაშაულებს და ამბობს, რომ მუნიციპალიტეტს 2 კლანი მართავს.

მისი თქმით, 2014 წლის არჩევნების შემდეგ ოზურგეთს ივანიშვილებისა და კეჭაყმაძე-სიორიძის კლანი მართავს.

„ოზურგეთის რაიონს მართავს მთლიანად ორი კლანი, ეს გახლავთ კეჭაყმაძეების კლანი და მეორე არის ივანიშვილების კლანი. მე შეგახსენებთ, რომ ეს ის ილია კეჭაყმაძეა, რომელიც კანონიერ ქურდს „რემენას“ საკუთარი მეუღლის მანქანით დახვდა აეროპორტში და თვითმფირინავიდან გააქრო. კეჭაყმაძე კალაძის ფავორიტია. ის თავისი მძახლის, ბეგლარ სიორიძის საშუალებით არის ოზურგეთის რაიონის პრაქტიკული მმართველი და მეორე, ეს გახლავთ ადიკო ივანიშვილი, ბიძინა ივანიშვილის ძმა. დღეს თუ არ ხარ ან ივანიშვილების მეგობარი ან - კეჭაყმაძეების, ოზურგეთის რაიონში თანამდებობას ვერ დაიკავებ“, - განაცხადა ნადირაშვილმა.