შინაგან საქმეთა მინისტრი ვახტანგ გომელაურის ფოტოგრაფის, ირაკლი გედენიძის ცემის ფაქტით შეშფოთებულია.

ამის შესახებ გომელაურმა მთავრობის სხდომის დასრულების შემდეგ განაცხადა.

„როდესაც დაიდო საიტზე და ვუყურე კადრებს, ძალიან შევშფოთდი. ირაკლი გედენიძე იმ დროს სცემეს, როდესაც ის თავის პროფესიულ მოვალეობას ასრულებდა. ეს კანონით ისჯება. ეს ადამიანი პოლიციამ დააკავა. სასამართლო იმსჯელებს ამ ფაქტზე და ვფიქრობ, კანონის მთელი სიმკაცრით უნდა დაისაჯოს“, - განაცხადა გომელაურმა.

რაც შეეხება მეორე პირს, რომელიც კადრებში ჩანს, გომელაური ამბობს, რომ მისი ბრალეულობა არ გამოიკვეთა რის გამოც ის არ დააკავეს.

„ის თითქოს აშველებდა, თუმცა გასაგებია, რომ იჭერდა გედენიძეს. მეც ასევე აღვიქვი, მაგრამ ვერ დავსჯით ამ ადამიანს“ - განაცხადა გომელაურმა.

ირაკლი გედენიძეს რესპუბლიკის მოედანზე მიმდინარე აქციის ერთ-ერთი მონაწილე ფიზიკურად გაუსწორდა. ირაკლი გედენიძის ცემის ფაქტზე, ჟურნალისტურ საქმიანობაში ხელის შეშლის ბრალდებით შსს-მ ერთი ადამიანია დააკავა.