ფინანსთა მინისტრმა ნოდარ ხადურმა პრემიერს ბიუჯეტის ანგარიში წარუდგინა და ის ოთხი სამინისტრო დაასახელა, რომელიც ინფრასტრუქტურული პროექტებისთვის გამოყოფილ თანხებს სათანადოდ ვერ ხარჯავენ.

ხადურის თქმით, ესენია განათლების, ჯანდაცვის, სოფლის მეურნეობის და ენერგეტიკის სამინისტრო.

„ამ მიმართულებით ზოგიერთი სამინისტროს ხარჯები დაბალია, თუმცა გააქტიურება ნამდვილად კარგი იქნება. ეს ეხება განათლების, ენერგეტიკის, სოფლის მეურნეობის და ჯანდაცვის სამინისტროებს. ასევე მნიშვნელოვანია სამართლის იურიდიულ პირების მიერ ხარჯების დაჩქარება“, - განაცხადა ხადურმა.

პრემიერმა დასახელებული უწყებების მინისტრებს ამ მიმართულებით გააქტიურებისკენ მოუწოდა.