პარლამენტის თავმჯდომარე დავით უსუფაშვილი ამერიკელ სენატორსა და კონგრესმენებს შეხვდა. სხდომის დასრულების შემდეგ დავით უსუფაშვილისა და როდ ჯონსონს შორის, რომელიც საგარეო ურთიერთობათა კომიტეტს ხელმძღვანელობდა ცალკე შეხვერდრა შედგა.

კონსულტაციების დროს მხარეებმა საქართველოსა და უკრაინის შესახებ ისაუბრეს.

„სენატორ ჯონსონთან საქართველოზე ვსაუბრობდი, ასევე უკრაინაზე და რეგიონში შექმნილ მდგომარეობაზე. მივიღეთ მკაფიო გზავნილი სენატორ ჯონსონისგან იმის თაობაზე, რომ ის ყველაფერს გააკეთებს, რათა აშშ საქართველოს გვერდით იყოს, როდესაც ჩვენ გვჭირდება ჩვენი მეგობრების გვერდში დგომა. ასევე ძალიან საინტერესო საუბარი გვქონდა იმის თაობაზე, თუ რა ტაქტიკა და სტრატეგია იქნებოდა სწორი იმისთვის, რომ უკრაინაში და საქართველოში მოვლენები უკეთესი მიმართულებით განვითარდეს“, - განაცხადა უსუფაშვილმა.

ნინი კაციტაძე