დღეს ჩვენ ვსაუბრობთ უფრო აქტიურ ჩართულობაზე ევროკავშირთან

დღეს ჩვენ ვსაუბრობთ უფრო აქტიურ ჩართულობაზე ევროკავშირთან - ბერუჩაშვილი

პოლიტიკა - 10:40, 05 Mar, 2015

1273

ბრიუსელში გაკეთებულ განცხადებებთან დაკავშირებით, რომელიც ევროკავშირის საგარეო პოლიტიკის გადახედვას შეეხებოდა, განმარტებები საქართველოს საგარეო საქმეთა მინიტრმა თამარ ბერუჩაშვილმა გააკეთა.მისი განცხადებით, რიგის სამიტი გამოყენებული იქნება გარკვეულ შუალედურ პლატფორმად, რათა შემდგომში მოხდეს უფრო აქტიური ჩართულობა ევროკავშირთან.

„ევროკომისიის მიერ გამოქვეყნებული დოკუმენტი არის საკონსულტაციო სახის. ამით ევროკავშირი იწყებს დიალოგს ყველა შესაბამის პარტნიორთან. ეს პარტნიორები წარმოდგენილი იქნებიან სამეზობლო პოლიტიკის წევრი ქვეყნების სახით. პერიოდულად ეს პოლიტიკა ექვემდებარება გადახალისებას, განვითარებას და სწორედ ამის შედეგი იყო, რომ გამოიყო რეგიონალური კლასტერები და დღეს ჩვენ ვსაუბრობთ უფრო აქრიტურ ჩართულობაზე აღმოსავლეთ ევროპის პარტნიორობის კუთხით. ჩვენ ჩავერთვებით ამ დისკუსიაში და ქართულმა მხარემ დოკუმენტის მომზადებაშიც შეიტანა წვლილი. განსაკუთრებით საინტერესოა ის კითხვები, რომელიც ევროკავშირის პერსპექტივებს ასახავს იმ ქვეყნების მიმართ, რომლებმაც უკვე მოახდინეს დეკლარირება, იმის რომ ასოცირების ხელშეკრეულაება არ არის მათი საბოლოო მიზანი, რიგის სამიტი გამოყენებული იქნება გარკვეულ შუალედურ პლატფორმად“,-განაცხადა თამარ ბერუჩაშვილმა.

შეგახსენებთ, რომ ევროკავშირი სამეზობლო პოლიტიკის გადახედვას გეგმავს, ამის შესახებ განცხადება გუშინ ევროკავშირის უმაღლესმა კომისარმა საერთაშორისო საქმეებსა და უსაფრთხოების პოლიტიკის საკითხებში ფედერიკა მოგერინმა განცხადება გუშინ გააკეთა.