უმრავლესობის წევრი გია ვოლსკი სამეზობლო პოლიტიკის გადახედვასთან დაკავშირებით ევროკავშირის ახალ გადაწყვეტილებას ეხმაურება.

მისი თქმით, საქართველოს განსაზღვრული აქვს თავისი გეგმები და მისწრაფება ევროკავშირის მიმართ.

„რუსეთისადმი კოჭის გაგორება არავის ინტერესში არ შედის. აქ მიმდინარე პროცესებთან დაკავშირებით სხვადასხვა ხედვებია. რაც შეეხება აღმოსავლეთ პარტნიორობას, ევროკავშირთან მისი თანამშრომლობა იქნება რაციონალურო. დამერწმუნეთ, ეს იქნება ეფექტზე ორიენტირებული და აქ რუსეთის როლი ან ფაქტორი არავითარ შუაში არ უნდა განვიხილოთ,“ - აცხადებს გია ვოლსკი.

ევროკავშირი სამეზობლო პოლიტიკის გადახედვას აპირებს. ამის შესახებ ოფიციალური განცხადება ბრიუსელში გამართულ პრესკონფერენციაზე უმაღლესმა წარმომადგენელმა, ფედერიკა მოგერინიმ გააკეთა.