ქონებაჩამორთმეულ მოქალაქეებს სახელმწიფო გადახდის სხვადასხვა ალტერნატივას შესთავაზებს

პოლიტიკა - 13:45, 04 Mar, 2015

1238

ფინანსთა მინისტრის განცხადებით, ქონებაჩამორთმეულ მოქალაქეებს სახელმწიფო გადახდის სხვადასხვა ალტერნატივას შესთავაზებს.

ამასთან დაკავშირებით ნოდარ ხადურმა სამართალწარმოების პროცესში ჩადენილი დანაშაულების გამძიების დეპარტამენტის პრეზენტაციის შემდეგ განაცხადა.

მისი თქმით, ქონებაჩამორთმეული მოქალაქეების მიმართ სასამართლო გადაწყვეტილების აღსრულებისთვის თანხა ბიუჯეტში დევს, ქონების დიდი ნაწილი კი, გაუსხვისებელია.

ხადურის განცხადებით, იმ ქონებების პრივატიზაცია, რომლებიც ჩამორთმეული იყო და მათზე დავა მიმდინარეობდა ეკონომიკის სამინისტროს შეწყვეტილი ჰქონდა

„დაველოდებით გამოძიების დასრულებას. სასამართლოს გადაწყვეტილებების შესაბამისად, მათი აღსრულებისთვის ბიუჯეტში ფული დღესაც დევს. თავისთავად ცხადია, იმისდა მიხედვით, თუ რა თანხაზე იქნება საუბარი, მოქალაქეებს გადახდის სხვადასხვა ალტერნატივა შეიძლება შევთავაზოთ“, - განაცხადა ნოდარ ხადურმა.

მთავარ პროკურატურაში სამართალწარმოების პროცესში ჩადენილი დანაშაულის გამოძიების დეპარტამენტი შეიქმნა. დეპარტამენტი ორიენტირებული იქნება 2012 წლის 1 ოქტომბრიდან მთავარ პროკურატურაში შესულ საჩივარ-განცხადებებში მითითებული დანაშაულებრივი ფაქტები გამოიძიოს. ამათგან პრიორიტეტი მიენიჭება ისეთი დანაშაულების გამოძიებას, როგორიცაა: ქონების უკანონოდ ჩამორთმევისა და ძალადობის ფაქტები, რომელიც მოიცავს ცემა-წამებას, არაადამიანურ და დამამცირებელ მოპყრობას და ყველა იმ დანაშაულს, რომლის ჩადენაშიც საჯარო მოხელე ან მასთან გათანაბრებული პირი იმხილება.

_{ნინო ზედგენიძე}