რა სკანდალური ფარული ჩანაწერები აჩვენა ივანიშვილმა საგანელიძეს

პოლიტიკა - 12:46, 04 Mar, 2015

15205

გაზეთი „ალია“ ივანიშვილის კულუარებიდან გამოსულ ინფორმაციაზე წერს, გამოცემის თქმით საგანელძის მუშაობით არამარტო უმრავლესობის წევრები, არამედ თავად ბიძინა ივანიშვილიც უკმაყოფილოა.

„დავით საგანელიძეს გულითაც რომ სურდეს, მაინც ვერ იყრის კენჭს „ქართული ოცნებიდან“, რადგან მისთვის ბიძინა ივანიშვილს უთქვამს, შენ იმდენი შეცდომა დაუშვი, ათი კაცისთვისაც კი ზედმეტია, ამიტომ პოლიტიკაში ჩვენი გზები გაიყოო.

ივანიშვილს საგანელიძისთვის უჩვენებია „ქართული ოცნების“ ცენტრალური, რეგიონული და რაიონული ოფისების ორმოცდაათზე მეტი სხვადასხვა დონის ხელმძღვანელის სპეცსამსახურებთან თანამშრომლობის დამადასტურებელი ფაქტები, მათი უმრავლესობა კუდის აგენტი ყოფილა, ნაწილი სამხედრო დაზვერვისა, ნაწილი კი, ჯერ კიდევ 2006-2007 წლებიდან სოდ-ის აგენტი იყო.

ივანიშვილს უთქვამს საგანელიძისთვის, აქედან 10 კაცი მაინც, რომ გაგეშიფრა, შესაძლოა, ხმა არ ამომეღო, მაგრამ ორმოცდაათზე მეტი აგენტი წამყვან პოზიციებზე ისე დანიშნე, ერთში ეჭვი არ შეიტანე, თუ შეცდი, ეს ხომ უბედურებაა და თუ იცოდი და მაინც დანიშნე, ეს უკვე სხვა საქმეა, უფრო დიდი უბედურებაა და აქ დავსვათ წერტილი, მორჩა, ამის შემდეგ, ჩვენ ვერ ვითანამშრომლებთო.

ივანიშვილს საგანელიძისთვის კიდევ რამდენიმე პარტიული ლიდერის „ნაცმოძრაობასთან“ თანამშრომლობის დამადასტურებელი სხვადასხვა სახის მტკიცებულება დაუდია წინ, მათი ფარული შეხვედრების ვიდეო, აუდიო ჩანაწერები, მათ შორის , უცხოეთში მათი ფარული შეხვედრის დამადასტურებელი ფაქტები, ასევე, სატელეფონო საუბების ჩანაწერები და სხვა სახის ინფორმაციები. წყარო აცხადებს, რომ ეს სრულიად საკმარისი მიზეზი იყო ივანიშვილისთვის , რომ საგანელიძეს საპარლამენტო უმრავლესობის ლიდერის პოსტი დაეტოვებინა , მაგრამ ივანიშვილს უთქვამს, რაც გააფუჭა , იმაზე მეტს ვეღარაფერს გააფუჭებს და ეს საარჩევნო ციკლი დაასრულოს ამ პოსტზეო.“- წერს გამოცემა.