თბილისის მერია გაზაფხულიდან საგზაო ინფრასტრუქტურის მოწესრიგების თვალსაზრისით აქტიურ მუშაობას იწყებს.

ამის შესახებ დედაქალაქის მთავრობის სხდომაზე თბილისის მერმა დავით ნარმანიამ განაცხადა.

იგი ოპონენტების ბრალდებას გზებზე არსებულ ვითარებასთან დაკავშირებით უარყოფს და ამბობს, რომ 2014-2015 წლებში 23 ქუჩის რეაბილიტაციაზე 9 მილიონი დაიხარჯა.

„ამჟამად მიმდინარეობს სამუშაოები 10 ობიექტზე, რომლის ჯამური ღირებულება 5,6 მილიონია. გაზაფხულის დადგომისა და ამინდების გაუმჯობესებისთანავე, მერიამ დაიწყო დაზიანებული გზების აღდგენა. უკვე 10-ზე მეტ ობიექტზე შევიდა საგზაო ტექნიკა და მიმდინარეობს ინტენსიური სამუშაოები. სულ შეკეთებას დაექვემდებარა 22 000 კვადრატული მეტრი გზა. მერიას რაც მეტი რესურსი ექნება, მით მეტი გზა მოწესრიგდება“, - განაცხადა ნარმანიამ.