თბილისის საკრებულოს ფრაქცია „ნაციონალური მოძრაობის- თბილისის“ თავმჯდომარის ირაკლი აბესაძის განცხადებით ერთეული თანამშრომლების დაკავებით თბილისის მერიაში არსებული პრობლემები არ მოგვარდება:

„ამას არაფერი ეშველება სანამ ნარმანიას არ ეყოფა ჭკუა და გამბედაობა, დაითხოვოს თბილისის მთავრობა“- განაცხადა აბესაძემ საბურთალოს რაიონის გამგეობის თანამშრომლის დაკავებასთან დაკავშირებით.

აბესაძის თქმით, თბილისის მთავრობას არ აღმოაჩნდა უნარი ქალაქში არსებულ პრობლემებს გამკლავებოდა.

შეგახსენებთ, ანტიკორუფციულმა სამსახურმა საბურთალოს რაიონის გამგეობის თანამშრომელი მიხეილ ქვირია დააკავა. მას ბინათმესაკუთრეთა ამხანაგობის დეპარტამენტში წამყვანი სპეციალისტის თანამდებობა ეკავა.

შს სამინისტროში ფაქტთან დაკავშირებით, ამ ეტაპზე კომენტარს არ აკეთებენ.

_{ნინო ზედგენიძე}