უმრავლესობის დეპუტატი ზაზა პაპუაშვილი თამარ კორძაიას „ქართული ოცნებიდან“ გარიცხვასთან დაკავშირებით გავრცელებულ ინფორმაციას ეხმაურება და ამბობს, რომ ამაზე საუბარი არ ყოფილა.

„გარიცხვაზე და მსგავს რაღაცაზე საუბარი არ ყოფილა. იყო რაღაც დისციპლინარულ საკითხებზე ლაპარაკი. ვიმეორებ, საუბარი იმაზე, რომ ვიღაცა ვიღაცას რიცხავს, არ ყოფილა“, - განუცხადა „რუსთავი“ 2-ს პაპუაშვილმა.

კითხვაზე მოწონს თუ არა კორძაიას განცხადებები პაპუაშვილმა უპასუხა, „მე არ მომწონს „რუსთავი 2“.

კორძაიას ფრაქციიდან გარიცხვის შესახებ ინფორმაცია დღეს მედიაში გავრცელდა. ფრაქცია „ქართული ოცნების“ თავმჯდომარე გია ვოლსკი აცხდებს, რომ ეს საკითხი არ განიხილება და განსაკუთრებით ასე აქტიურად.